Interi i falet super Dumfries në gjysmëfinalen e Superkupës ndaj Atalantës

Interi ka arritur një fitore të pastër 2-0ndaj Atalantës në gjysmëfinalen e Superkupës së Italisë në Dubai duke siguruar finalen e këtij edicioni. Protagonist absolut tek zikaltrit ishte Denzel Dumfries, i cili shënoi të dy golat në këtë duel.

Atalanta e nisi ndeshjen me shumë ndryshime në formacion, duke lënë disa nga yjet në stol. Skuadra e Inzaghit përfitoi duke shënuar dy gola në fillimin e pjesës së dytë me holandezin Dumfries.

Më pas u aktivizua edhe Gjimshiti, i cili kishte një mundësi shumë të mirë në fundin e ndeshjes, por Sommer e ndali mjaft mirë. Interi në finale pret fituesin e duelit Juventus-Milan. /R.Lika-Koha Jonë/