Interi skuadra më e mirë në botë, zbret nga froni pas 600 ditësh City-in

Besojeni ose jo, por për momentin Inter është skuadra më e mirë në botë. Statistikat janë në favor të skuadrës së zikaltërve, duke i vendosur në krye të një renditje speciale. Opta Power Rankings është një sistem global i renditjes së ekipeve që cakton një rezultat aftësie për mbi 13,000 ekipe të futbollit në një shkallë nga 0 deri në 100.

Interi është skuadra që momentalisht ka kuotën më të lartë të pikëve duke kryesuar këtë renditje, madje duke lënë pas ekipe të mëdha si Liverpooli, Manchester City . Kjo është një renditje që rifreskohet çdo ditë dhe kalimi i Inter në vendin e parë ka ndodhur pas plotë 600 ditësh dominimi nga City i Guardiolës.

Anglezët kanë humbur disa ndeshje, ndërsa Inter ka fituar disa të tjera radhazi dhe kjo ka bërë që italianët të ngjiten në vendin e parë. Mbetet të shihet se sa do të rezistojë ekipi i Inzaghit, pasi po kalon një formë shumë të mirë në kampionat dhe Champions.