Interi transferon edhe Caicedon, sot do të kryejë vizitat mjekësore

Interi nuk ndalet në këtë merkato dimri. Klubi zikaltër, që sot zyrtarizoi blerjen e Robin Gosens nga Atalanta, ka arritur marrëveshjen edhe për huazimin nga Genoa të Felipe Caicedos, deri në qershor të këtij viti.

Dëmtimi i Joaquin Correa bëri që Interi të kërkonte një sulmues tjetër dhe ekuadoriani do të kthehet të luajë për Simone Inzaghin, me të cilin ka bashkëpunuar te Lazio. Ditën e sotme janë parashikuar vizitat mjekësore dhe më pas pritet zyrtarizimi.