Interi zyrtarizon Darmian, pritet edhe mbrojtësi i Chelsea-t

Matteo Darmian mund të konsiderohet përfundimisht lojtar i Interit. Mbrojtësi përshëndet Parmën, pasi ka programuar vizitat mjekësore me zikaltrit, për t’u vënë nën urdhrat e Antonio Contes.

Interi ndërkohë në orët e fundit do të kërkojë mbylljen e një tjetër marrëveshje në repartin e mbrojtjes. Zikaltrit po shtyjnë për të mbyllur marrëveshjen për transferimin e Marcos Alonsos.

Antonio Conte e ka drejtuar për dy sezone 29-vjeçarin, kur ishte trajner i Chelsea-t, e vlerëson së tepërmi dhe po shtyn drejtuesit e Interit ta mbyllin marrëveshjen me londinezët. Pas kontakteve të para disa ditëve, zikaltrit e kanë dërguar ofertën që konsiston në huazim për një sezon dhe detyrim blerjeje në verën viti 2021 për 12 milionë euro.