Inzaghi i mbyll derën Interit, rinovon kontratën me Lazion

Presidenti i Lazio, Claudio Lotito, dhe Simone Inzaghi arritën një marrëveshje për rinovimin e kontratës së trajnerit. Pas takimit të nivelit të lartë dhe darkës së përbashkët, Inzaghi vendosi të rinovojë kontratën me Lazio, që skadonte në qershor.

Inzaghi dhe Lotito kanë arritur një marrëveshje edhe për tri sezone të tjera, me një pagë prej afro 2.2 milionë euro në sezon, plus bonuse. Trajneri ka zgjatur kontratën e tij me bardhekaltrit deri në vitin 2024. Përveç marrëveshjes ekonomike, kanë vendosur linja të përbashkëta edhe në planin teknik, duke kristalizuar projektin për sezonet e ardhshme.