Ish-mbrojtësi gjerman elozhe për Kumbullën: Duket sikur ka 10 vite që luan në Seria A!

Thomas Berthold ka qenë një futbollist i shumë shëtitur, i cili ka luajtur edhe në Seria A me fanellën e Romës dhe Veronës. Pikërisht duke folur për këta të fundit, ish-qendërmbrojtësi gjerman nuk i kursen fjalët më të mira për Marash Kumbullën.

“Hellas Verona ka futbollistë që kanë bërë shumë mirë dhe disa prej tyre janë shitur. Kumbulla më pëlqen shumë. Është një futbollist i ri, i cili luan sikur ka 10 vite mbi shpinë në Seria A”, u shpreh Berthold.

Kujtojmë që Kumbulla ka oferta të shumta nga shumë skuadra të mëdha europiane, duke filluar me Interin dhe Juventusin në Itali, e duke kaluar me Realin dhe City-in në Europë. /R.Lika-Koha Jone/