Ish-presidenti i federatës spanjolle të futbollit goditet me vezë nga xhaxhai i tij (VIDEO)

Një episod i pazakontë ka ndodhur gjatë një aktiviteti promovues të librit të Luis Rubiales në Madrid, ku ish-presidenti i Federatës Spanjolle të Futbollit u qëllua nga afër me disa vezë. Ajo që e bën ngjarjen edhe më të jashtëzakonshme është se autor i sulmit dyshohet të jetë xhaxhai i tij.

Rubiales, baba i tre fëmijëve dhe i dënuar për sulm seksual në lidhje me skandalin e famshëm “Kissgate” të Kupës së Botës së Femrave, ishte duke prezantuar librin e tij “Matar a Rubiales” (“Vrit Rubiales”) kur ndodhi incidenti.

Pamjet televizive treguan të paktën tre vezë të hedhura drejt tij nga një distancë shumë e afërt. Një prej tyre u përplas në pjesën e pasme të xhaketës, ndërsa një tjetër goditi dorën e Rubiales teksa ai përpiqej t’i shmangte. Sulmuesi, para se të hidhte vezët, thuhet të ketë thënë: “Mos u shqetëso, s’ka gjë”.

Pas goditjes, Rubiales u pa teksa tentoi t’i vërsulej sulmuesit, por u ndalua nga të pranishmit. Ai gjithashtu kërkoi me ngulm që agresori të identifikohej për t’u arrestuar nga policia.

Mediat spanjolle raportuan se personi që hodhi vezët është Luis Rubén Rubiales, xhaxhai nga ana e babait i ish-kreut të Federatës Spanjolle, pasi raportimet e para sugjeronin se sulmuesi mund të ishte pjesë e familjes.