Ish-trajneri i kombëtares, Roland Avrami i shtruar në spital: Asnjëherë s’e kisha menduar!
Infektimit nga koronavirus në vendin tonë nuk i kanë shpëtuar as sportistët duke treguar se virusi është një sëmundje shumë tinëzare dhe me të nuk mund të bëhet shaka.
Një ndër 190 pacientët e shtruar në spitalin Covid-2 “Shefqet Ndroqi” është edhe ish-trajneri i kombëtares së basketbollit për meshkuj dhe i Tiranës, Roland Avrami.
Infektimin me covid, ish-sportisti i njohur thotë se edhe e kishte menduar, por jo shtrimin në spital. Në një prononcim për “Euronews Albania” nga spitali “Shefqet Ndroqi”, Avrami bën apel që të tregohet kujdes pasi mjafton frekuentimi i bareve dhe lokaleve pa maska dhe rreziku për t’u prekur rritet ndjeshëm.
“Asnjëherë se kisha menduar, unë madje rri gjithë ditën në kafe, tako njerëz hyjnë e dalin pa maska pa gjë, sesi erdhi nuk e mora vesh, paska qenë për t’u kaluar. Kam komunikuar me familjarët, jam në përmirësim siç thonë mjekët, po është vetëm fillimi”, deklaroi Avrami.
