Japonia “djeg” shansin për kualifikim, mundet nga Kosta Rika (VIDEO)

Dita e tetë e Kupës së Botës, Katar 2022 ka nisur me surpriza. Kosta Rika, pas humbjes së thellë në ndeshjen e parë ndaj Spanjës, ka arritur të marrë një fitore minimale 1-0 ndaj Japonisë.

Skuadra e Suarez triumfoi ndaj aziatikëve, me një gol që erdhi në të parën goditje në kuadrat 10 minuta nga fundi i kohës së rregullt.

Kosta Rika gjeti fundin e rrjetës me anë të Fuller në minutën e 81-të duke shtangur japonezët. Aziatikët  provuan që të evitonin humbjen, ndërsa në minutën e 88-të, Keylor Navas ishte heroi i përfaqësueses së tij me një pritje të dyfishtë.