Jashari paraqitet në stërvitje te Brugge, a është një sinjal për Milanin?!

Club Brugge ka nisur zyrtarisht sezonin 2025/26 me rikthimin në stërvitje dhe grumbullim. Në mesin e lojtarëve është paraqitur edhe mesfushori zviceran Ardon Jashari, objektivi kryesor i Milanit për mesfushën.

Sipas asaj që raporton portali belg HLN, Jashari do të stërvitet fillimisht individualisht dhe nuk pritet të jetë pjesë e skuadrës për ndeshjen e Superkupës së Belgjikës kundër Union SG të dielën. Edhe pse dëshira e lojtarit është e qartë, ai kërkon transferimin te Milani, Club Brugge nuk ka dhënë sinjale konkrete për një largim të mundshëm.

Prezenca e Jasharit në stërvitje u pa si një gjest force nga ana e klubit belg, duke ndërlikuar planet e Milanit, megjithëse përplasja me lojtarin u shmang. Nga ana tjetër, mbajtja në skuadër e një futbollisti të pakënaqur nuk është në interesin e askujt.

Milani, ndërkohë, vazhdon të ndjekë situatën nga afër. Dëshira është që t’i dhurohet teknikut Allegri një përforcim kyç në mesfushë, por klubi nuk do të presë pafundësisht. Oferta e paraqitur nga kuqezinjtë, e konsideruar “e rëndësishme” nga drejtori Tare – 33 milionë euro plus 5 milionë në formë bonusesh – është refuzuar nga Club Brugge, që e konsideron të papërshtatshme.

Ndërkohë, vetë Jashari ka refuzuar ofertat nga klubet angleze Ëest Ham dhe Nottingham Forest, duke theksuar se preferenca e tij mbetet Milani. Ai shpreson që në orët apo ditët në vijim të marrë dritën jeshile për të realizuar ëndrrën e tij dhe për t’u bashkuar me skuadrën e Serie A.