Jo vetëm Roma dhe Torino, një tjetër klub bën ofertë për Hysajn

Elseid Hysaj prej kohësh është një nga emrat më të përfolur për t’u larguar në mediat italiane. Gjithsesi deri më tani diçka e tillë nuk ka ndodhur, teksa kontrata e tij përfundon në qershorin e vitit 2021.

Kohët e fundit është përfolur vazhdimisht për klube si Roma dhe Torino, por tashmë në skenë ka dalë një tjetër emër i njohur si Sampdoria. Skuadra xhenoveze është në kërkim të përforcimeve. pasi synon që në edicioni e ri t’i sigurojë trajnerit Klaudio Ranieri një përbërje më të kompletuar lojtarësh.

Sampdoria në sezonin e ardhshëm synon më shumë se të mbijetesa, një vend në Kupat e Europës. Në ditët në vijim në adresë të futbollistit e Napolit të mbërrijë një ofertë konkrete nga klubi italian. Sampdoria ka shprehur gatishmërinë që të përfshijë Hysajn në këtë projekt të ri të ringritjes së klubit, i cili në historinë e tij ka një titull kampion të fituar në Serinë A në sezonin 1990-1991.