Joao Cancelo zbulon sekretin e formës fantastike të City-it

Manchester City po zhvillon një sezon fantastik, teksa është gjithnjë e më pranë titullit kampion. Sfida e radhës mund t’i vërë vulën, pasi do të jetë ndaj United, që mban vendin e dytë.

“Sekreti ynë? Shihet në fushë. Nëse dikush gabon, do të jetë gjithmonë një shok i skuadrës që do të vrapojë për ta ndrequr gabimin. Jemi një grup shumë i mirë dhe e ndihmojmë njëri-tjetrin.

Sfida me United? Duam të fitojmë, ne stërvitemi për t’i fituar të gjitha ndeshjet. Një derbi është gjithmonë një derbi. Nuk e prisja një diferencë kaq të madhe në renditje. Megjithatë, e përsëris, besoj se është gjithçka fryt i punës sonë”, ka thënë Cancelo për kanalin zyrtar të klubit.