Josa: Luajtëm me keq se ndaj Vllaznisë, duhet të hyjmë në fushë me mentalitetin e duhur!

Kukësi nuk di të fitojë në Superiore prej 5 ndeshjesh radhazi. Trajneri i verilindorëve, Mirel Josa duke folur pas barazimit ndaj Apolonisë nuk e ka fshehur zhgënjimin për mënyrën se si lojtarët e tij e interpretuan ndeshjen.

“Unë nuk mund të them se çfarë mund te mos funksionojë, nga ana cilësore bëmë një ndeshje më të dobët sesa në Shkodër. I kemi lënë një farë hapësire, kishim disi me topin e parë, kur kishim punë me dyluftimin me mbrojtësit e qendrës, unë nuk jam i kënaqur sepse nuk doja barazim, Apolonia i pati rastet e veta, ne kishim mundësi kundërsulmi, por nuk i shfrytëzuam ato.

Mendimi im është që skuadra kur luan ndeshjet e kampionatit, duhet të hyjë edhe me mentalietetin e duhur edhe ne ndeshjen e Kupës. Nuk është problemi i fazës së mbrojtës, Apolonia mund të bënte rastet e veta, ne duhet të ishim më të ngjeshur, duhej të jepnim frymë sulmit dhe humbjes së menjëhershme të topit”, deklaroi Mirel Josa.