Jose Mourinho, për herë të tretë trajneri i sezonit në Premier League

Trajneri i Chelseat Jose Mourinho u shpall trajneri i sezonit në Pemier League. Portugezi i drejtoi “blutë e Londrës” drejt titullit kampion, duke qëndruar për 274 ditë në krye të renditjes që nga 30 Gushti i 2014, një rekord më vete ky për skuadrën e Chelseat.

Këtë çmim 52-vjeçari e merr për herë të tretë në karrierë, pasi edhe në epokën e parë në krye të londinezëve në sezonet 2004-2005 dhe 2005-2006, u shpall trajneri më i mirë i sezonit në i Premier Leagues. Mourinho u zgjodh trajneri i sezonit nga një panel specialistësh që përbëhej nga ish-futbollistë dhe gazetarë. Në listën e kandidatëve ishin edhe Ronald Koeman, Gary Monk, Nigel Pearson dhe Arsene Wenger.

Rekordin për sa i përket këtij çmimi e mban ish-trajneri i Manchester United, Aleks Ferguson, e cili është shpallur plot 11 herë trajneri i sezonit në Premier Leguae, ndërsa pas skocezit vjen Arsen Wenger i Arsenalit, që u barazua pikërisht nga Mourinho me tre trofe individualë.

Ky çmim individual është “qershia mbi tortë”. Sigurisht që torta, që ishte titulli kampion në Premier League, mbetet më e rëndësishme, sepse ishte objektivi i stafit, drejtuesve futbollistëve dhe miliona tifozëve. Unë kam punuar për tortën, por sigurisht jam shumë i kënaqur edhe për këtë çmim individual.”

Interesant është fakti që gjatë këtij sezoni Mourinho nuk e ka fituar asnjëherë çmimin “trajneri i muajit”, por në fund ata që e morën këtë vendim u bazuan tek ecuria e jashtëzakonshme e Chelseat përgjatë sezonit.