Juve synon Hojbjergun e Marsejës për të forcuar mesfushën

Juventus po përgatitet për merkaton e janarit me objektivin kryesor: përforcimin e mesfushës për të siguruar një vend në Champions League. Drejtuesit e klubit dhe trajneri Luciano Spalletti kanë si prioritet gjetjen e një “regjisti” që do të rrisë cilësinë dhe lidershipin e skuadrës. Vëmendja është përqendruar te Pierre-Emile Hojbjerg i Marsejës, një lojtar që vlerësohet për karizmën, përvojën ndërkombëtare dhe aftësinë për të përmirësuar shokët e skuadrës.

Edhe pse Juventus nuk mund të bëjë shpenzime të mëdha në janar, drejtori Damien Comolli do të tentojë të arrijë një marrëveshje për Hojbjerg, i cili shihet si elementi perfekt për formacionet aktuale dhe të ardhshme të ekipit. Nevoja për një përforcim në mesfushë është e qartë, pasi Teun Koopmeiners ka kaluar në mbrojtje dhe Weston McKennie përdoret më shumë si anësor. Marrëdhëniet me Marsejën janë të mira, por klubi francez, me kërkesë të trajnerit Roberto De Zerbi, ka refuzuar më parë ofertat për Hojbjerg, duke e konsideruar atë thelbësor për kualifikimin në Champions League.

Megjithatë, Comolli besohet se ka një “kartë” të fortë për të tunduar De Zerbin: Manuel Locatelli, një lojtar që trajneri italian e vlerëson shumë. Nëse marrëveshja për Hojbjerg dështon, Juventus do të shqyrtojë mundësi të tjera, si lojtarë të pakënaqur që kërkojnë minuta para Kupës së Botës, si Davide Frattesi i Interit. Klubi gjithashtu po monitoron talentet e reja si Marco Palestra i Cagliarit.