Juventus fikson çmimin për talentin suedez që kërkon Arsenali

Dejan Kulusevski nuk është një lojtar i paprekshëm te Juventusi, madje mund të largohet që në janar. Sipas asaj që raporton Sky Sport Italia, për mesfushorin me tipare sulmuese, ka shfaqur interes të fortë skuadra e Arsenalit.

Drejtuesit e Juventusit do të uleshin në bisedime me klubin anglez për një shifër rreth 25 milionë euro. Suedezi është vënë në listën e merkatos nga Zonja e Vjetër pasi vetë trajneri Max Allegri nuk e konsideron si një lojtar të vlefshëm për skemat e tij.

Drejtuesit e Zonjës së Vjetër janë të interesuar të afrojnë Dusan Vlahovic dhe shitja e suedezit do të jepte një dorë më shumë në këtë tratativë. Që me ardhjen e Allegrit në stolin e Juventusit, Kulusevksi ka luajtur vetëm në 15 ndeshje, duke shënuar një gol në Champions.