Juventus fiton me vuajtje ndaj Fiorentinës, shkon -2 pikë nga Interi (VIDEO)

Juventus konfirmohet si skuadra anti-Inter për titullin kampion këtë sezon, teksa ka koleksionuar një tjetër fitore 0-1 në transfertën delikate ndaj Fiorentinës.

Skuadra e Allegrit e nisi në mënyrën më të mirë sfidën në Artemio Franchi. Në minutën e 10-të, pas një zbritje të shpejt, Kostic shërben në zonë për Miretti-n, i cili arrin ta dërgojë në rrjetë.

Më pas ndeshja do të fliste e gjitha për Fiorentinën që krijoi një mori rastesh në portën e bardhezinjve, por asnjëra prej tyre nuk do të shkonte në kuadrat. Pavarësisht dominimit, vendasit nuk mundën që të merrnin asnjë pikë.

Juventus me këtë fitore shkon në kuotën e 26 pikëve, 2 pikë më pas se Interi kryesues dhe +4 më shumë se Milani i vendit të tretë. /R.Lika-Koha Jonë/