Juventus i ofron Vlahovic-in Newcastle, ja sa është kërkesa financiare

Newcastle United ka marrë një ofertë nga Juventusi për të nënshkruar me sulmuesin serb Dusan Vlahovic. Klubi italian kërkon të ulë barrën e pagave pas afrimit këtë verë të sulmuesit kanadez Jonathan David nga Lille.

Vlahovic, i cili është lojtari më i paguar në skuadrën bardhezi, mund të largohet për të hapur hapësirë edhe për një tjetër blerje të mundshme: Randal Kolo Muani. Kontrata e 25-vjeçarit në Torino skadon verën e ardhshme.

Sipas gazetarit Ben Jacobs, Juventusi i ka ofruar Newcastle-it mundësinë për ta transferuar Vlahovic për një shumë rreth 30 milionë euro (25.9 milionë paund). Sulmuesi serb ka realizuar 59 gola në 146 ndeshje për Juventusin.

Vlahovic u bashkua me Juventusin në janar të vitit 2022 nga Fiorentina për një shumë prej rreth 80 milionë eurosh (69 milionë paund) dhe është përfshirë dy herë në Formacionin e Vitit të Serie A.

Pavarësisht ofertës, Newcastle duket se nuk ka interes për ta avancuar këtë pistë, duke preferuar të fokusohet në objektivat e tjerë, si Yoane Wissa i Brentford dhe Jorgen Strand Larsen i Wolves, për të cilët ka pasur oferta të refuzuara.