Juventus kërkon “bishën” e Wolves, por u befasua nga kërkesat e klubit anglez

Adama Traore është një nga futbollistët më të spikatur në sezonin e fundit në Premier League. Së fundmi ai mori ftesë edhe nga Spanja, ku tregoi vlerat e tij. Të shumta kanë qenë skuadrat që kanë shfaqur interes për “bishën” e Wolves, që kërkon 100 milionë euro. Kërkesë kjo që është konsideruar shumë e lartë nga drejtuesit e Juventusit, të cilët kishin shfaqur interes për futbollistin gjatë merkatos së verës.

24-vjeçari konsiderohet si një nga sulmuesit e krahut më të fortë në qarkullim dhe bardhezinjtë nuk janë i vetmi klub që interesohet për të. Gjithsesi shuma e kërkuar nga klubi anglez mbetet e lartë dhe drejtuesit e “Zonjës së Vjetër”, sipas raportimeve të medieve italiane, po mendojnë të ndërpresin bisedimet për lojtarin.