Juventus kërkon me ngulm super talentin brazilian të Santosit

Juventus po mendon për sezonin e ardhshëm, kur me shumë mundësi Higuain nuk do të udhëheqë më sulmin bardhezi. Emri më premtues është ai i Kaio Jorge, i Santos.

Futbollisti i lindur në 24 janar 2002 ka impresionuar të gjithë gjatë kampionatit botëror Under 17 kur fitoi titullin me Brazilin. Mes të rinjve të ndjekur nga Paratici e stafi i tij, sulmuesi brazilian është ai që ka befasuar më shumë vëzhguesit bardhezinj.

Kapaciteti për të luajtur me shpinë nga porta, duke lejuar daljet e shokëve që vijnë nga prapa është një nga aspektet që kanë rënë më shumë në sy e që e kanë vënë nën vëzhgimin e klubeve më të mirë europianë.

Gjithsesi nuk do të jetë e thjeshtë për të bindur Santos që të ulë shifrën e zgjidhjes së kontratës rreth 75 milionë euro. Shoqëria pauliste nuk ka ndërmend të zbresë nën 30 milionë, ndërsa Juve nuk shkon mbi 15.