Juventus nuk bind, ndalet edhe nga Napoli i “përgjysmuar” (VIDEO)

Juventus nuk di të fitojë as në ditën më të vështirë të Napolit. Bardhezinjtë nuk mundën të shkonin më shumë se një barazim 1-1 në “Allianz Stadium”, një duel që ishte përfolur shumë për të mos t’u luajtur për shkak të rasteve të shumta me Covid-19.

Pa trajnerin Spalleti në stol, Napoli arriti që të gjente e para golin e avantazhit në minutën e 23-të me Dries Mertens që përfitoi nga një gabim i mbrojtjes torineze.

Në minutën e 54-t, Federico Chiesa barazoi shifrat, i ndihmuar edhe nga një devijim i një mbrojtësi. Edhe pse në emergjencë nga mungesat e shumta, Napoli ia doli që të ruante këtë rezultat deri në fund dhe avantazhin prej 5 pikësh nga bardhezinjtë. /R.Lika-Koha Jonë/