Juventus nuk ndalet në merkato, në verë kërkon yllin e Romës

Juventus ishte një nga skuadrat më aktive në merkaton e janarit kjo duke qenë se bardhezinjtë zhgënjyen në gjysmën e parë të sezonit. Në këtë formë, presidenti Andrea Agnelli vendosi të investojë në merkato teksa në skuadër u afrua në një operacion që kap shifrën e më shumë se 100 milionë eurove një nga sulmuesit të spikatur të Serisë A si Dusan Vlahovic.

“Zonja e Vjetër” ia doli të përforcohej edhe në mesfushë falë Deniz Zakaria që mbërriti nga Bundesliga aty ku aktivizohej me skuadrën e Borussia Monchengladbach. Në merkaton e verës objektivi i madh është lojtari i Romës, Nicolo Zaniolo i cili gjithnjë ka pasur pëlqimin e drejtuesve bardhezi por dëmtimet e penalizuan të kishte vazhdimësi.

Tashmë që Zaniolo është rikthyer në fushë dhe po shfaq më të mirën e tij, sërish Juventus i është vënë pas, duke qenë se Allegri e dëshiron 22-vjeçarin prej teknikës së lartë që zotëron. Pengesë mund të përbëjë fakti që ka kontratë deri në vitin 2024.