Juventusi do të paraqitet në stadium, do të presë Napolin 45 minuta

Do të jetë një diel shumë e çuditshme për Juventusin. Edhe pse nuk do të luhet ndeshja me Napolin, skuadra torineze gjatë mbrëmjes do të mbërrijë në “Allianz Stadium”.

Ekipi i Pirlos do të paraqitet në orën 19:00 në stadium për të respektuar formalitetet, ndërkohë që arbitri Doveri do të presë sipas rregullores 45 minuta skuadrën e Napolit.

Nëse skuadra e Gattusos nuk do të paraqitet në stadium, ekipi torinez do të rikthehet sërish në hotel, atje ku duhet të kryejë sërish nesër tamponët e radhës pas dy rasteve pozitive me koronavirus të dy pjesëtarëve të klubit. /R.Lika-Koha Jone/