Juventusi i Pirlos e nis me perfeksion, shkatërron Sampdorian (VIDEO)

Andrea Pirlo e nis me këmbën e mbarë aventurën në krye të Juventusit. Rekordmenët e Seria A fituan me lehtësi 3-0 ndaj Sampdorias në duelin e luajtur para 1000 tifozëve në “Juventus Stadium”.

Sfida nisi në mënyrën më të mirë për torinezët që kalon në avantazh pas 13 minutash lojë. Kulusevski lëshon një të majtë magjike në hyrje të zonës që shkon në cepin e portës së Auderos.

Juventus krijoi mundësi të tjera shënimi, por Ronaldo nuk ishte në ditën e tij me fat, pasi në një rast u ndal nga traversa. 12 minuta nga fundi pas një rrëmujë në zonë, përfiton Bonuci që e pati të thjeshtë ta shtynte sferën në “rrjetë”. Dy minuta nga fundi do të vinte edhe radha e Ronaldos për të shënuar emrin në listën e golashënuesve me një të djathtë perfekte. /R.Lika-Koha Jone/