Kalvin Phillips është lojtari më i ri i City-it, firmos për 6 sezone

Kalvin Phillips është më në fund një futbollist i Manchester City-it.  “Qytetarët” kanë zyrtarizuar gjithçka pas kryerjes së vizitave mjekësore nga lojtari.

Phillips ka nënshkruar një kontratë që do ta mbajë lidhur me Manchester City për gjashtë vite. Ai do të vihet menjëherë nën urdhrat e Guardiolës për të nisur përgatitjet për sezonin e ardhshëm.

City ka paguar për kartonin e tij rreth 48 milionë euro. Pjesë e marrëveshjes është edhe lojtari i Cityt, Darko Gyabi. Phillips do të mbajë fanellën me numrin 4.