Kane refuzon rinovimin me Tottenhamin, kërkon vetëm transferimin te Bayerni

Harry Kane ka refuzuar ofertën e Tottenham për të rinovuar kontratën me “gjelat” e Londrës. Spurs-at i kanë ofruar sulmuesit 300 mijë stërlina në javë, por lojtari duket se ka ndërmend që ti japë fund aventurës së tij me klubin londinez.

Sulmuesi konsiderohet i pashitshëm nga presidenti Daniel Levy. Me shitjen e Lewandowskit, Bayerni shfaqi interes për sulmuesin dhe tashmë këmbëngul që të bëjë të vetin kapitenin e Anglisë.

Lojtarit i skadon kontrata me Tottenham vitin tjetër. Deri më tani Levy ka refuzuar të gjitha ofertat e ardhura nga kampionët e Gjermanisë, por rrezikon që të humbasë me parametër zero lojtarin sezonin e ardhshëm. Kane ka zhvilluar 435 ndeshje me Tottenham dhe ka shënuar 280 gola me londinezët.