Kane sfidon Italinë: Ende nuk kemi fituar asgjë!

Harry Kane ishte vendimtar në fitoren 2-1 në shtesë ndaj Danimarkës, duke i siguruar ekipit të tij finalen e madhe të 11 korrikut kundër Italisë.

“Është e pabesueshme, ishte një ndeshje e vështirë. Ata u mbrojtën poshtë dhe këtë gjë e prisnim. Publiku ishte fantastik. Penalltia? Nuk ishte e lehtë të shënoje dhe Schemeichel ishte shumë i zoti që e priti topin.

Për sa i përket finales, Kane zbret me këmbë në tokë dhe shprehet se do të jetë e vështirë.

“Ky është finalja jonë e parë e Evropianit ndaj dhe do ta shijojmë, por jemi të përqendruar te ndeshja e së dielës. Duhet të rikuperojmë energjitë dhe të jemi sa më të përgatitur”, deklaroi bomberi anglez.