Kapiteni i Laçit “spiunon” Tiranën: Në Beograd s’do të kishin shanse!

Ballafaqimi i Crvena Zvezda me Tiranën në Ligën e Kampionëve e ka angazhuar median serbe të që të bëjë shkrime dhe intervista për bardheblutë. Sot, për të “spiunuar” skuadrën kampione të Shqipërisë, është intervistuar mbrojtësi serb i Laçit, Aleksanadar Ignjatovic.

“Nëse do të luhej në Beograd, Tirana nuk do të kishte një shans. Në këtë mënyrë, për shkak të fushës, të luajturit në shtëpi, gjithçka është e mundur. Crvena Zvezda është favorite, sepse kanë lojtarë më të mirë. Unë pres që të kualifikohet më tej. Nëse tregon nivelin e saj real, nuk duhet të ketë probleme. Nuk kam probleme, të gjithë më respektojnë dhe më trajtojnë mirë.

Gradimi si kapiten pas gjashtë muajsh është një tregues i mjaftueshëm për këtë. Tirana ka ndryshuar disa lojtarë. Sulmuesi më i mirë i tyre është larguar, por ka ende dy krahë të shpejtë. Cobbina është i shpejtë dhe shpërthyes, ndërsa Elton Cale është teknik. Të dy bëjnë diferencën. Stadiumi është fantastik. Fusha është e shkëlqyer, unë mendoj se do t’iu përshtatet lojtarëve të Zvezda”, deklaroi Ignjatovic për “Alo.rs”.