Kapllani, gol me vlera në Gjermani në barazimin “e çmendur” 3-3

Edmond Kapllani shënon në Bundesligën e dytë gjermane, në barazimin 3-3 të FSV Frankfurt ndaj Bukum. Sulmuesi i kombëtares shqiptare gjeti golin e tretë dhe të barazimit, kur rezultati ishte 3-2 në favor të vendasve, duke i dhënë një pikë të çmuar ekipit të tij. Goli i Kapllanit shmangu humbjen e FSV Frankurt ndaj një kundërshtari direkt për mbijetesë, duke treguar edhe formën e  mirë që po kalon sulmuesi shqiptar. Edhe Odise Roshi, lojtari tjetër shqiptar i kësaj skuadre dhe pjesë e kombëtares sonë, ka qenë vendimtar në ndeshjet e kaluara me këtë FSV Frankfurt.