“Katana 138”, çfarë simbolizon tatuazhi i Mirlind Dakut

Kombëtarja shqiptare na dhuroi emocione të dielën me fitoren 2-0 përballë Polonisë. Goli i parë u shënua nga Jasir Asani, ndërsa i dyti, ai i qetësisë, u shënua nga sulmuesi Mirlind Daku.

E ky i fundit nuk i shmangu emocionet pasi shënoi golin e tij të parë për kombëtaren. Sulmuesi i lindur në Gjilan të Kosovës hoqi fanellën dhe shkoi të festonte përpara tifozëve. Por ajo që bëri përshtypje ishte tatuazhi në shpatullën e tij: Katana 138.

“Katana” ka qenë pseudonimi i një prej komandantëve më të shquar dhe më aktivë të Ushtrisë Çlirimtare të Kosovës, Agim Ramadani. Ramadani ka qenë edhe komandant i zonës së Kosharës.

Më 1 Prill 1999, “Katana” ra dëshmor gjatë një luftimi ballë për ballë me forcat serbe. Ai mori pjesë në Betejën e përgjakshme të Koshares e cila u zhvillua në Prill të vitit 1999.

Ramadani ishte komandant i “Brigadës 138” deri në ditën e rënies së tij. Pas përfundimit të luftës ai u shpall Hero i Kosovës.