Kategoria e Parë/ Fitojnë Skënderbeu dhe Pogradeci, ndalet Laçi

Pesë ndeshjet e javës së 12-të në Kategorinë e Parë nuk prodhuan surpriza sa i përket rezultateve. Skënderbeu fitoi 2-1 ndaj Burrelit në transfertë. Korçarët vuajtën, pasi luajtën me 10 lojtarë, pas ndëshkimit me të kuq të Vasquez në pjesën e parë.

Me të njëjtin rezultat triumfoi edhe Pogradeci në një transfertë delikate si ajo ndaj Lushnjës. Laçi barazoi 1-1 ndaj Ilirisë në shtëpi. Kurbinasit shmangën humbjen, falë një goli të shënuar në fund.

Korabi barazoi 1-1 me Luftëtarin, ndërsa Apolonia mposhti 2-0 Kukësin. Dueli mes Kastriotit dhe Besës u shty për të hënën, për shkak të gjendjes së rënduar të fushës.