Keidi Bare: Morëm diçka pozitive nga kjo ndeshje, jemi në formë

Keidi Bare është shprehur se ndeshja ndaj Spanjës mund t’i shërbejë kombëtares sonë në ndeshjet e ardhshme, pavarësisht se pësuan një humbje minimale.

“E dinim që kanë një ekip të mirë, e luajnë shumë mirë topin, por duhet të them që bëmë një ndeshje shumë të mirë, nuk i lamë shumë hapësira. Duhet të them që bëmë një lojë shumë të mirë, pavarësisht rezultatit.

Forma? Ne e treguam në fushë, do mundohemi dhe stërvitemi pak më shumë që të qarkullojmë topin, por nuk ishte e thjeshtë, pasi ata kanë talente individual edhe golat ishin individual. Morëm diçka pozitive nga kjo ndeshje.

Te goli i parë mund të kishim bërë më shumë, duhet ta kishim dërguar topin në anën tjetër po nuk ndodhi. Megjithatë duhet të dimë që bëmë një ndeshje pozitive”, tha Keidi Bare.