Klopp konfirmon dëmtimin e rëndë për sulmuesin brazilian, disa javë jashtë fushave

Në momentin më të mirë Liverpooli goditet sërish nga kriza e dëmtimeve. Sulmuesi i Liverpoolit, Roberto Firmino do të qëndrojë larg fushës së blertë për më shumë se 4 javë, pasi ka pësuar një dëmtim në gju në duelin e mesjavës kundër Atletico Madrid.

Braziliani doli i dëmtuar nga fusha e blertë dhe u zëvendësua në pjesën e dytë nga Divock Origi. Trajneri i “të kuqve”, Jurgen Klopp ka konfirmuar dëmtimin e sulmuesit në prag të sfidës së radhës në kampionat.

“Firmino ka pësuar një dëmtim serioz në gju dhe ky është një lajm i keq. Ka qenë vërtetë i pafat. Nuk e dimë me saktësi se sa kohë do të qëndrojë jashtë, por nuk do të kthehet direkt pas pushimit të ndeshjeve të kombëtareve. Do ti duhet më shumë kohë”, deklaroi Klopp.