Klubet e Superligës zbresin sot në fushë, por për të protestuar

Kategoria Superiore duhej të vijonte sot me ndeshjet e javës së dytë të sezonit të ri, por futbolli është ndalur prej disa ditësh dhe kampionati ende nuk ka startuar. Liga Profesioniste i ka dërguar një listë me 4 kërkesa qeverisë shqiptare dhe pret plotësimin e tyre.

Në rrethana të tilla, sot është vendosur që të gjithë skuadrat të zbresin në fushë në orën 16:00, ashtu siç e parashikonte edhe kalendari i javës së dytë, megjithatë këtë herë jo për të luajtur futboll, por për të protestuar

Liga ka konfirmuar se gjithçka do të përngjajë me organizimin e ndeshjes, ku skuadrat do të udhëtojnë sipas kalendarit të përcaktuar dhe do të zbresin në fushë, teksa kapitenët do të lexojnë edhe nga një deklaratë që konfirmon bojkotin.

Zgjidhja për situatën e krijuar nuk duket ende në horizont, pasi Liga e Profesioniste këmbëngul në plotësimin e 4 kërkesave dhe pranon të ulet në tryezë për bisedime vetëm me qeverinë shqiptare.