Klubi i Kategorisë së Dytë drejt shkrirjes, nuk zbret në fushë për ndeshjen e sotme

Sot në orën 14:00 në stadiumin “Bashkim Sulejmani” në Kuçovë ishte programuar sfida e raundit të parë në Grupin A të Kategorisë së Dytë mes vendasve të Naftëtarit dhe Valbonës.

Ky duel nuk do të zhvillohet pasi tropojanët e Valbonës kanë një dënim nga FIFA për tre sesione të merkatos dhe nuk kanë mundur të ndërtojnë një grup me futbollistë për të qenë të gatshëm për ndeshjen.

Dënimi i FIFA-s nuk është mundur të zgjidhet dhe që në raundin e parë Valbona do marrë një humbje 3-0 në tavolinë.

Veç sfidës së sotme, nëse nuk shlyen borxhet kundër ish-futbollistëve për të hequr dënimin nga FIFA, Valbona rrezikon mos zbresë në fushë dhe të ketë vetëm humbje këtë sezon.