Kosova gati për duelin ndaj Maqedonisë së Veriut, mungon vetëm Ujkani

Kosova ka bërë publike emrat e futbollistëve të grumbulluar për ndeshjet e ardhshme të Ligës së Kombeve, mes tyre dhe atë të sezonit të shkuar me Maqedoninë e Veriut e cila nuk u luajt për shkak të pandemisë.

Trajneri Challandes është munduar të thërrasë emrat më në zë të futbollit kosovar për të shfrytëzuar deri në fund mundësinë që i jepet Kosovës për të siguruar një vend në Europianin e ardhshëm.

Ndeshja do të luhet më datë 8 tetor në Shkup dhe pas kësaj Kosova do të ndeshet 3 ditë më pas me Slloveninë e më pas me Greqinë për kompeticionin e këtij viti të Ligës së Kombeve. Challandes do të kenë në dispozicion të gjithë lojtarët më të mirë në këto ndeshje përveç portierit Ujkani.