Kosova kërkon hakmarrjen ndaj Greqisë, e sfidon me këtë formacion

Kosova do të sfidojë Greqinë në sfidën e 4-të të Nations League, takim që do të startojë pas disa minutash. Dardanët të cilët do të kërkojnë hakmarrjen ndaj grekëve për atë humbje 1-0 në duelin e parë mes tyre.

Përballë njëra tjetrës vihen vendi i parë dhe i dytë i grupit 2 në Ligën C, ku një fitore e përfaqësueses së Kosovës do të bënte që të barazoheshin me pikë me kundërshtarin e tyre ditën e sotme.

Për këtë sfidë janë bërë publike edhe formacionet zyrtare me të cilat dy skuadrat do të zbresin në fushën e lojës. Muriqi do të jetë në majën e sulmit, i mbështetur nga Rashica, Bytyqi dhe Muslija.