Kualifikimi mision “i pamundur” për Interin, statistikat flasin për Liverpoolin

Gjithçka flet në favor të Liverpoolit për ndeshjen e kthimit kundër Interit, por skuadra zikaltër nuk është dorëzuar. Pas 0-2 në “San Siro”, skuadra e Inzaghit do të shkoj për të marrë një fitore që do të ishte historike në Anfield. Misioni i zikaltërve në fakt duket si “i pamundur”.

Statistika – Precedentët në fakt flasin të gjitha për Liverpoolin. “The Reds” janë kualifikuar 34 herë në 34 ndeshjet në të cilat kanë fituar ndeshjen e parë në futbollin ndërkombëtare. Në katër duele janë mundur në duelin e kthimit, por më pas sërish morën kualifikimin. /R.Lika-Koha Jonë/