Kukësi befason në merkato, largon Telushin e afruar gjatë kësaj vere

Kukësi bën një lëvizje të papritur në merkato. Mesfushori Bruno Telushi, që pikërisht në këtë sezon sapo kishte filluar aventurën e tij të re me ekipin verilindor, do të transferohet jashtë shtetit.

Lajmi vjen nga vetë drejtuesit e Kukësit, që kanë zyrtarizuar transferimin e futbollistit në kampionatin azer, pikërisht me ekipin e Neftchi Baku, 8 herë kampione e Azerbajxhanit dhe ekipi i parë nga ai vend që kaloi në grupet e Europa League.

I afruar këtë merkato vere, Telushi kishte të drejtën të largohej nga skuadra në rast të një oferte nga një ekip ndërkombëtar.