Kumbulla në listën e largimeve të Mourinhos, mund të bashkohet me ish-trajnerin

Roma nuk e ka nisur siç e kishte parashikuar sezonin nën drejtimin e Mourinhos. Strategu portugez është i pakënaqur me disa futbollistë ndaj dhe ka kërkuar disa ndërhyrje. Mes lojtarëve verdhekuq që mund të largohen është edhe Marash Kumbulla.

Mbrojtësi i kombëtares shqiptare mund të ribashkohet me trajnerin që e evidentoi në Serie A. Ai pëlqehet shumë nga Torino, me trajner Juriç. Këtë lajm e raporton “Il Messaggero”.

Futbollisti shqiptar me siguri do të ishte i interesuar për këtë lëvizje, por mbetet të shihet a mund të arrihet marrëveshja mes klubeve. Kumbulla u ble për gati 20 milionë euro, por tashmë Roma rrezikon ta humbasë për një shumë më të vogël.