Kutinjo “nderon” Barcelonën, Iniesta i jep lamtumirë katalanasve (VIDEO)

Barcelona ka fituar 1-0 ndaj Sociedad në ndeshjen e fundit për Andres Iniesta me ekipin “blaugrana” që kur debutoi para 17 vitesh. Mesfushori luajti 674 ndeshje me katalanasit në karrierën e tij. Ai ia dorëzoi shiritin Leo Mesit, kapiteni i ardhshëm i Barcelona, golashënuesi më i mirë në këtë edicion të La Liga

Në minutën e 60-të, Kutinjo shënoi golin e vetëm për Barcelonën, me një goditje të mrekullueshme nga jashtë zone. Braziliani ka shënuar tetë gola dhe ka dhënë pesë asiste, që kur u ble nga Liverpuli për 160 milionë euro në janar.