Laçi fiton në Durrës dhe rikthen shpresat për një vend në Europë

Laçi vazhdon të befasojë në Kategorinë Superiore, duke marrë një fitore minimale në transfertën ndaj Teutës. Pjesa e parë pa gola, me Laçin që ishte më kërkues, ndërsa në pjesën e dytë bardhezinjtë u zhbllokuan shpejt.

Kurbinasit shënuan me Turkajn që gjeti golin e parë në Superiore. Mbrojtësi shfrytëzoi një top nga goditja e këndit duke realizuar në minutën e 53-të.

Kurbinasit me këtë sukses rikthehen te suksesi pas dy humbjeve dhe mbeten në garën për një vend në kupat e Europës, teksa kanë 28 pikë, sa Partizani dhe Teuta.