Laçi i pamëshirshëm, shpartallon me 5 gola skuadrën e Dinamos

Laçi ka shpërthyer ndaj Dinamos duke marrë një fitore spektakolare në shifrat 5-0. Kurbinasit ishin në një ditë mjaft të mirë, teksa do të kalonin në avantazh që në minutën e 7-të me anë të Saliou Guindo, i cili shfrytëzoi një top të goditur keq me kokë nga Imami dhe kaloi Laçin në avantazh pasi dribloi Edvan Bakajn.

Vendasit dyfishuan në minutën e 54-t. Dejan Zarubica shfrytëzoi më së miri një asist të Mazrekajt. Julian Shehu do të shënonte dhe golin e tretë 6 minuta më pas.

Laçi nuk kishte të ndalur, pasi Zarubica në të 73-ën dhe Regi Lushkja dy minuta më vonë do të realizonin dy gola të tjerë duke i çuar shifrat në 5-0. Dinamo ka pësuar plotë 19 gola në 11 javë kampionat, duke pasur mbrojtjen më të dobët.