Lajm i mirë për Hysajn, do të jetë në dispozicion për derbin ndaj Romës

Elseid Hysaj mund të kthehet në fushë me Lazio në derbin e së dielës. Dëmtimet bëjnë që trajneri Marco Baroni ta përfshijë në grup mbrojtësin shqiptar. Këtë e ka konfirmuar vetë Baroni.

Hysaj është stërvitur rregullisht por këtë sezon është aktivizuar për pak minuta në kampionat në një ndeshje dhe luajti një tjetër në kupë me minutazh të plotë. Rregullorja lejon që lista e të grumbulluarve të ndryshojë gjatë merkatos.

Hysaj nuk pranoi të largohej nga Lazio edhe pse nuk ishte në planet e stafit teknik. Ky është sezoni i katërt për shkodranin tek ekipi kryeqytetas, ndërsa në karrierën e tij është aktivizuar edhe me Napoli.