Largimi i parakohshëm i Vokrrit, Thaçi: U prefsh në paqe Kapiten!
Ndarja e parakohshme nga jeta e legjendës së futbollit të Kosovës, Fadil Vokrri, ka tronditur botën sportive.
Presidenti i Kosovës, Hashim Thaçi nëpërmjet një mesazhi ngushëllimi shpreh dhimbjen e tij për largimin e Vokrrit. Duke e cilësuar yllin e ndritur të sportit, Thaçi e mbyll mesazhin ngushëllues, me fjalët: ”U prefsh në paqe Kapiten”.
”Me dhembje të madhe dhe pikëllim të thellë, i tërë kombi merr lajmin për vdekjen e parakohshme të Fadil Vokrrit, yllit më të ndritur të sportit dhe jo vetēm sportit tonë. Ngushëllime familjes, miqve dhe tifozëve. U prefsh në paqe Kapiten”, shkruan Thaçi në rrjetet sociale.
