Lazio befason ekipet italiane, kërkon të transferojë serbin në Londër

Sergej Milinkovic-Savic pritet të largohet nga Lazio gjatë kësaj vere, pasi pas një sezoni do i përfundojë kontrata.  Mesfushori i Biancoceleste-s ka ndjekur emrat e mëdhenj italianë, nga Juventusi te Milani dhe Interi, por së fundmi ka pasur zhvillime të reja.

Agjenti i yllit serb, Mateja Kezman, ka nisur të eksplorojë disa hipoteza jashtë vendit dhe sipas gazetës ai do t’ia kishte ofruar mesfushorit Chelsea-t të amerikanit Todd Boehly, një klub në të cilin vetë agjenti kishte luajtur në sezonin 2004-2005, duke fituar një Premier League.

Një shitje e mundshme e Milinkoviç do të mbushte arkat e Lazios, para që janë të nevojshme për të bërë më pas investime.