Lazio jep “dritën jeshile”, Muriqi i bashkohet Kombëtares së Kosovës

Vedat Muriqi do të jetë në dispozicion të Kosovës në ndeshjen play-off ndaj Maqedonisë së Veriut që do të luhet pas dy ditësh. Sulmuesi ende nuk ka debutuar me klubin e tij të ri Lazion në këtë sezon të Serie A, për shkak të problemeve fizike por edhe infektimit me koronavirus.

Muriqi ka marrë “dritën jeshile” nga klubi i Lacios për tu bashkuar me Kosovën në grumbullim për tre ndeshjet e tetorit, mes tyre edhe ajo ndaj Maqedonisë së Veriut për play-off-in e Kampionatit Europian të verës tjetër.

Një lajm i madh për Kosovën, duke parë se trajneri Challandes vuan mungesën e disa titullarëve të rëndësishëm si Rrahmani apo Rashica.