Lazio rikthehet te fitoret edhe pa Stakoshën, mund me vuajtje Bolognën (VIDEO)

Lazio rikthehet te fitoret në Seria A pas humbjes ndaj Sampdorias. Bardhekaltrit triumfuan me vështirësi 2-1 ndaj Bolognës. Miqtë luajtën më mirë në pjesën e parë, teksa gjetën edhe golin, por që do të anulohej për shkak të një faulli.

Në fillimin e pjesës së dytë Luis Alberto shënoi një gol të bukur pas një aksioni personal, ndërkohë që në minutën e 76-të Immobile dyfishoi shifrat me një goditje me kokë.

Në minutën e parë të shtesës së ndeshjes De Silvestri rihapi ndeshjen, por koha ishte e pamjaftueshme për të dalë me pikë nga “Olimpico”.  Në këtë ndeshje në portë u aktivizua Reina, duke lënë pushim Strakoshën. /R.Lika-Koha Jone/