Lazio rikthen Hysajn në skuadër, gati për duelin ndaj Napolit në Kupë

Elseid Hysaj do të jetë pjesë e Lazios për ndeshjen e Kupës së Italisë ndaj Napolit. Baroni ka vendosur që të grumbullojë mbrojtësin shqiptar, të paktën për sfidën e radhës.

“Nesër janë të gjithë që mund të përdoren, edhe Hysaj, Akpa dhe Basiç. I cilësoj si lojtarë që merren në konsideratë, për respektin si dhe për mënyrën se si janë sjellë në këto javë edhe pse nuk mund të luanin në kampionat apo Europë.

Për të gjithë të tjerët duhet të bëj vlerësime. Ne nuk kemi linja të dyta dhe kush shkon në fushë për mua është gjithmonë thelbësor”, tha Baroni para mediave sot.