Lazion zhyt Milanin në krizë dhe arrin në zonën Champions (VIDEO)

Lazio nuk di të ndalet në Seria A. Skuadra e Inzaghit vijon të mbetet skuadra më në formë e kampionatit, teksa mbrëmjen e sotme ka mposhtur 2-1 Milanin në “San Siro”.

Bardhekaltrit zhbllokuan rezultatin në minutën e 25-të me një super gol të Immobiles me kokë pas një asisti nga Lazzari. Kundërpërgjigja e Milanit ishte e menjëhershme, teksa Bastos e devijoi topin në rrjetën e Strakoshës.

Kur ndeshja ishte në një ritëm të ulët, Lazio konkretizon më së miri një kundërsulm, duke gjetur golin e avantazhit dhe të fitores me Correa-n. Pas kësaj fitoreje Lazio ngjitet në vendin e katërt me 21 pikë. /R.Lika-Koha Jone/